（撰文：建城者）
全球最大的隧道鑽挖機禍不單行 － 潛龍Must用系列 時事(1)
講起香港廣深港高鐵又超支又超時嘅情況，
小編不敢想起哩個『全球最大隧道鑽挖機』嘅故事…
哩部日本日立造船公司製造，直徑17.45米，
現正身處美國華盛頓州西雅圖嘅隧道鑽挖機，
係全球最大型嘅隧道鑽挖機，不過佢非常唔好彩，
應該咁講，係禍不單行…
2013年開工時，頭二個月已經慢進度3個星期
喺一路追進度嘅時候仲發生左極罕意外：
喺地底撞柱 － 一條廢棄左用黎測量海堤嘅椿柱
結果整部機嘅鑽頭盡毀，需要緊急開一個豎井救佢出黎換鑽頭。
就係咁，已經無左兩年時間
2015年12月重新出發，點知一出發，
隧道鑽挖機前面嘅地面就出現大面積異常沉降！又要停過….
喺小編打緊哩編文嘅時候，佢地除左努力填窿外，
都仲未查出係乜嘢原因會整左大窿出黎……
一條原本預計18個月就完工嘅隧道，
結果起左成三年都仲未到達1/10嘅Milestone
地底工程就係咁㗎啦…..
(潛龍Must用系列，係專講同 地底建設及規劃 有關嘅文章)
