（撰文：建城者）
堅尼地城與流浮山 － 離地城市系列 (1)
經典爛Gag：
香港有兩個天空之城，一真一假，
你估係邊度？
唔洗估啦，標題講左啦！
城市發展，一直以來都係關心平面橫向發展。
例如市區用地點擺，啲工廠會喺邊度出現，
邊啲地方嘅地價會最貴……
但自從高樓大廈嘅出現，令城市變得立體化，
地下開掘變得安全，就令城市除左向高發展，
亦可以向下發展……
城市發展，可以脫離舊時橫向式嘅發展，
同基本上跟住路面交通而建立嘅發展網絡。
喺一個落雨唔停，
但係仍然可以完全雨不沾身咁出去遊樂嘅今日，
我地都要認真面對一個事實：
我地嘅城市，已經係離地城市。
