(撰文:燶爆叔)
Ban晒啲私家車唔俾入市區,巴士改為BRT網絡,
整個港島區巴士小巴大重組,部份地區只限巴士或電車駛入,
其他車輛只限在非繁忙時間駛入市區,
咁咪有空間俾單車使用路面囉~!
仲可以推擴行人主導嘅交通政策添~
咪玩啦!
香港啲馬路出名一踩油就要停燈,
間左條單車徑/單車線唔迫你踩兩步落車推三步?
單車喺正常馬路行要貼左邊,
但早排班的士佬連巴士都可以推你去中線落客,
運輸署話明喺巴士站範圍要喺巴士右邊過巴士頭,
咁你點踩?
公共交通政策,
應該由Off Road到On Road咁排,
即係:重鐵→輕鐵→巴士/電車→其他公共車輛→私家車
單車始終都係人力為主,
反而要諗諗點樣可以同行人共處,
但香港連行路都無地方行……
如果唔係,整條全天候跨區單車天橋都唔錯
———————-
燶爆叔,灰爆80後,曾為火熱青年,卻因年少無知卻以為夢想可以當飯食。
You must be logged in to post a comment.